Hałoŭnaj tematykaj pieramoŭ Alaksandra Łukašenki i fiederalnaha kanclera Aŭstryi Siebaśćiana Kurca stała ekanamičnaje supracoŭnictva. Ab hetym kiraŭnik biełaruskaj dziaržavy paviedamiŭ siońnia žurnalistam pa vynikach sustrečy, paviedamlaje BiełTA.
«Mnie vielmi impanuje, što, niahledziačy na svaju maładość, aŭstryjski kancler hłyboka pahružany ŭ handlova-ekanamičnyja adnosiny Biełarusi i Aŭstryi i dobra viedaje pytańni ekanomiki. Heta byli nie prosta palityčnyja abmierkavańni abo razvažańni maje z kancleram Aŭstryi, my pierš za ŭsio razmaŭlali pra ekanomiku», - adznačyŭ Alaksandr Łukašenka.
Kiraŭnik dziaržavy padkreśliŭ, što Aŭstryja źjaŭlajecca adnym ź viadučych inviestycyjnych partnioraŭ Biełarusi i hraje važnuju rolu ŭ madernizacyi šerahu halin ekanomiki krainy, u tym liku drevaapracoŭki, telekamunikacyj, bankaŭskaha siektara. Tolki za minuły hod Aŭstryja inviestavała ŭ Biełaruś kala $ 300 młn.
