Mahiloŭskaja mytnia spyniła sprobu niezakonnaha pieramiaščeńnia rasijskimi hramadzianami ŭ Rasijskuju Fiederacyju niekalkich partyj jabłykaŭ, paviedamlaje Mytny kamitet.
U Horackim rajonie mytniki sumiesna z supracoŭnikami Horackaha RAUS spynili vosiem hruzavych aŭtamabilaŭ, u jakich znachodziłasia bolš za 23 tony jabłykaŭ.
Rasijskija hramadzianie zakuplali sadavinu na rynkach u Biełarusi z metaj nastupnaha zbytu na terytoryi Rasijskaj Fiederacyi, u pryvatnaści ŭ Smalensku.
Adsutničali supravadžalnyja dakumienty, nieabchodnyja dla pieramiaščeńnia tavaraŭ, u tym liku i fitasanitarnyja siertyfikaty.
Ahulny acenačny košt sadaviny skłaŭ bolš za 27 tysiač biełaruskich rubloŭ.
Raspačatyja administracyjnyja pracesy ŭ adpaviednaści z č. 4 art. 12.17 KaAP Respubliki Biełaruś. Dadzienym artykułam praduhledžany štraf u pamiery da 50% ad koštu tavaru.
Ad pačatku hoda Mahiloŭskaj mytniaj pry praviadzieńni śpiecyjalnych mierapryjemstvaŭ spyniena niezakonnaje pieramiaščeńnie hramadzianami Rasii 22 transpartnych srodkaŭ z płodaaharodninnaj pradukcyjaj bieź nieabchodnych tavarasupravadžalnych dakumientaŭ.
