Alaksandr Łukašenka vystupiŭ sa zvarotam da biełarusŭ i rasijanaŭ z nahody dnia jadnańnia narodaŭ Biełarusi i Rasii, paviedamlaje pres-słužba kiraŭnika krainy.
«Sioleta spaŭniajecca dvaccać hadoŭ z dnia padpisańnia Dahavora ab stvareńni Sajuznaj dziaržavy. Hety adnosna nievialiki histaryčny pieryjad adznačany važkimi dasiahnieńniami ŭ mnohich halinach supracoŭnictva, napoŭnieny nieacennym vopytam efiektyŭnaha vyrašeńnia žyćciova važnych zadač», — adznačajecca ŭ zvarocie.
«Realnyja pieravahi Sajuza siońnia adčuvajuć miljony biełarusaŭ i rasijan. Pamiž našymi krainami niama adčužanaści, jość svaboda pieramiaščeńnia i pracaŭładkavańnia, sacyjalnyja harantyi, roŭny dostup da miedycynskich pasłuh i adukacyi», — padkreślivaje Łukašenka i dadaje, što nieabchodna i dalej pašyrać biełaruska-rasijskaje supracoŭnictva. «Surjoznamu rostu hłabalnaj kankurencyi, ŭzmacnieńniu pratekcyjanizmu i izalacyjanizmu my pavinny supraćpastavić sapraŭdnuju intehracyju, rašučaje likvidacyju štučnych barjeraŭ i abmiežavańniaŭ u ekanomicy, realizacyju maštabnych prajektaŭ. Pierakanany, što razam nam heta pa siłach».
Jon taksama pavinšavaŭ Uładzimira Pucina i rasijskich top-čynoŭnikaŭ z hetym dniom.
