Fota Siarhieja Hudzilina
Kali ŭ budučym Alaksandr Łukašenka raptam zajavić, što nie płanuje bolš vyłučać svaju kandydaturu na prezidenckich vybarach, to heta stanie dla jaje šokam. Ale tolki jak dla šarahovaha vybarščyka, bo na toj čas jana ŭžo nie budzie staršynioj Centrvybarkama. Pra heta Lidzija Jarmošyna zajaviła ŭ intervju Jeŭraradyjo.
«Viedajecie, u 2025 hodzie (padčas čarhovych prezidenckich vybaraŭ), ja nie budu pracavać staršynioj Centrvybarkama, ja pierakananaja ŭ hetym. Tamu hetaja situacyja nie pastavić mianie ŭ niejkaje składanaje słužbovaje stanovišča. A voś jak dla čałavieka, vybarščyka dla mianie heta stanie šokam. Bo heta krutyja źmieny našaha palityčnaha žyćcia. Tamu, dla mianie, jak dla vybarca, heta (admova Łukašenki bałastavacca na vybarach) budzie vielmi važna, a jak dla staršyni CVK dla mianie, ja dumaju, heta ŭžo nie budzie mieć značeńnia», — skazała jana.
Pa słovach Jarmošynaj, takim ža šokam stała dla jaje i pieršaja zajava Nursułtana Nazarbajeva, pra toje, što jon pakidaje pasadu prezidenta Kazachtana. Ale, kaža Lidzija Jarmošyna, jana supakoiłasia paśla taho, jak stała zrazumieła, što zychod toj nie kančatkovy.
