Alaksandr Łukašenka sustreŭsia siońnia z ukrainskim palitykam, kiraŭnikom palitrady partyi «Apazicyjnaja płatforma — Za žyćcio» Viktaram Miedviedčukom, piša BiełTA
Miedviedčuka taksama nazyvajuć kumam Pucina.
Łukašenka adznačyŭ, što byŭ rady sustrecca ź Viktaram Miedviedčukom, asabliva paśla haračych palityčnych padziejaŭ va Ukrainie. «Cikavaja vaša acenka, što čakać u pierśpiektyvie ad Ukrainy. Dla mianie vielmi važna, moža, navat nie mienš, čym dla vas, tamu vielmi cikavyja vašyja razvahi na hety kont i inšyja pytańni», - skazaŭ Alaksandr Łukašenka.
U svaju čarhu Viktar Miedviadčuk adznačyŭ, što ranicaj pierad sustrečaj ź biełaruskim lidaram žartam kazaŭ pra toje, što ŭ adroźnieńnie ad usich inšych hramadzian Ukrainy maje unikalny šaniec dakładna daviedacca ŭžo ciapier, chto pieramoža na prezidenckich vybarach 21 krasavika, kali adbudziecca druhi tur. «Ja ŭspaminaju vašu pres-kanfierencyju 1 sakavika, dzie vam zadali pytańnie, i vy analizavali, što moža adbycca», - rastłumačyŭ palityk.
Viktar Miedviedčuk nahadaŭ, što ŭžo tady kiraŭnik Biełarusi pradkazaŭ, što ŭ druhi tur vyjduć Piatro Parašenka i Uładzimir Zialenski. «Ja vam chaču skazać, što 1 sakavika ŭ nas nivodny ekśpiert, nivodny sacyjołah, nivodny palityk nie moh skazać dakładna, chto vyjdzie ŭ druhi tur», — adznačyŭ jon
Łukašenka: Prezidentam Ukrainy zastaniecca Parašenka
