U Ministerstvie lasnoj haspadarki Radyjo Svaboda paćvierdzili, što ŭ Kurapatach iduć płanavyja pracy pa dobraŭparadkavańni lasnoha fondu.
«Usie niezakonna ŭźviedzienyja sparudy, u tym liku, i kryžy, buduć źniesienyja», — paviedamiła pres-sakratar Minlashasu Anastasija Dakučajeva.
Na ŭdakładniajučaje pytańnie, chto pryznaŭ kryžy, pastaŭlenyja ludźmi ŭ narodnym miemaryjale Kurapaty, niezakonnymi, Anastasija Dakučajeva adkazała tak: «Nivodnaha dakumienta na ŭstalavańnie kryžoŭ nie było. Tamu kryžy ličacca samavolna ŭstalavanymi, to bok, pastaŭleny niezakonna».
Kudy kryžy pavieźli, i ci buduć jany viernutyja tym, chto ich ustaloŭvaŭ, Dakučajeva pakul nie hatova adkazać.
U aficyjnym paviedamleńni ministerstva śćviardžajecca:
«U ramkach naviadzieńnia paradku śpiecyjalistami pravodzicca mantaž aharodžaŭ, vydaleńnie asobnych sparud. Hetyja pracy, u tym liku, pravodziacca ŭ Kurapatach, terytoryja jakich źjaŭlajecca historyka-kulturnaj kaštoŭnaściu i ziemlami dziaržaŭnaha lasnoha fondu. Źviartajem uvahu hramadzian, što śpiecyjalistami lashasa ažyćciaŭlajecca znos vyklučna tych abjektaŭ, jakija byli ŭstalavanyja bieź jakoj-niebudź dazvolnaj dakumientacyi, h.zn. jakija źjaŭlajucca niezakonna ŭstalavanymi».
U Kurapatach znosiać kryžy, pa pierymietry staviać kazionnuju aharodžu
Natalla Ejsmant prakamientavała znos kryžoŭ u Kurapatach
