24 krasavika śviatkuje 75-hodździe Zianon Paźniak. Pravilna jon dziejničaŭ ci pamyłkova — pra heta spračalisia analityki i buduć spračacca historyki. Adno biassprečna: biez Paźniaka niemahčyma ŭjavić biełaruskuju historyju najnoŭšaha času
Starejšaje pakaleńnie pamiataje raskacistaje «Deputat Paźniak!» u zale Viarchoŭnaha Savieta, šmattysiačnyja akcyi na minskich praśpiektach. Paźniak dahetul palaryzuje: adny ličać jaho prarokam, da jakoha nacyja jašče nie darasła, druhija — papulistam i demahoham, trecija — etničnym nacyjanalistam-fundamientalistam. Paźniak užo čverć stahodździa nie žyvie ŭ krainie, ale navat Łukašenka zhadvaŭ jaho, nie nazyvajučy imia, u apošniaj «Vialikaj razmovie».
Dla maładziejšaha pakaleńnia Paźniak — bolš lehienda, čym realnaja asoba. Što ž pišuć u sacsietkach ludzi roznych pakaleńniaŭ?
