Kiraŭnik KCHP-BNF, palitemihrant Zianon Paźniak u intervju Radyjo «Svaboda» zhadaŭ svaich byłych paplečnikaŭ pa Apazicyi BNF u Viarchoŭnym Saviecie — adnaho z kiraŭnikoŭ TBM Aleha Trusava i historyka Valancina Hołubieva.
Zianon Paźniak (pieršy źleva), Aleh Trusaŭ (u centry) i Valancin Hołubieŭ (druhi sprava).
U adkaz na pytańnie Siarhieja Navumčyka pra viartańnie Zianona na radzimu, dzie jon pracytavaŭ Aleha Trusava «Łukašenka choča, kab Paźniak viarnuŭsia», palityk adkazaŭ nastupnaje:
«Zdrada maralnym pryncypam dvuch deputataŭ niezaležnaści, jakija pajšli na zbor niečaścivych i kažuć pra ščaście, što satrap, niščyciel nacyi źviarnuŭ na ich uvahu, — usio heta jašče nie aznačaje parazu idei. Navat kali b usie paplečniki, deputaty-adradžency (jak niekali dziejačy BNR) pajšli b na pakłon da biesa (a ŭsie nie pojduć) — heta nie aznačała b parazy ideałaŭ svabody i niezaležnaści Biełarusi, pakul volnym i niaschilnym budu ja», — skazaŭ Paźniak.
Niaciažka paznać u hetych deputatach niezaležnaści Aleha Trusava i Valancina Hołubieva, jakija 1 sakavika ŭdzielničali ŭ «Vialikaj razmovie», jakuju pravodziŭ Alaksandr Łukašenka.
Trusaŭ mieŭ mahčymaść praź mikrafon źviarnucca da kiraŭnika Biełarusi, a Hołubieŭ padyšoŭ parazmaŭlać z Łukašenkam. My paprasili spadaroŭ Trusava i Hołubieva prakamientavać vykazvańni Paźniaka.
«Ja nikoli pryncypova nie kamientuju vystupy Paźniaka, što b jon ni kazaŭ, bo heta moj stary siabra. Ja nikoli nie krytykuju Paźniaka, bo mnohija chočuć nas pasvaryć. Nie atrymajecca.
Paźniak majo imia i proźvišča nie nazyvaŭ, a nazvaŭ Navumčyk. Nie ŭsio tak prosta. Ja ŭ fejsbuku pavinšavaŭ Paźniaka z dniom naradžeńnia. Nas pasvaryć chacieli jašče ŭ 1994, ale nie atrymałasia, nie atrymajecca i siońnia», — skazaŭ Aleh Trusaŭ.
«Ja nie chaču havaryć tut ničoha. Ja nie chaču ni pierad kim apraŭdvacca, ja viedaju, čamu ja pajšoŭ tudy, ja viedaju, što nikomu nie zdradziŭ i ničoha kiepskaha nie zrabiŭ.
Ja viedaju, što za hetyja hady, pakul Zianona niama tut, ja šmat zrabiŭ dla rodnaj Biełarusi. Nie chaču ni apraŭdvacca, ni sprečki vieści. Ja prosta pracuju dla Biełarusi, žyvu ŭ Biełarusi i pamru ŭ Biełarusi. Pry luboj mahčymaści ja budu rabić usio dla Biełarusi, a nie spračacca ci kazać pra kahości brydkaści», — takuju reakcyju vyklikali słovy Paźniaka ŭ Valancina Hołubieva.
