Situacyja z «brudnaj» naftaj, jakaja idzie pa naftapravodzie «Družba» z Rasii ŭ Biełaruś i dalej u krainy Jeŭropy, pahražaje rasijskamu boku surjoznymi ekanamičnymi, materyjalnymi i imidžavymi stratami. Takuju zajavu prezident Rasii Uładzimir Pucin zrabiŭ na sustrečy z kiraŭnikom «Transnafty» Mikałajem Tokaravym.
Pucin zapatrabavaŭ karekciroŭki sistemy kantrolu jakaści nafty ŭ mahistralnych naftapravodach, zajaviŭšy, što samakantrolu ŭ hetaj śfiery niedastatkova. «Zrabicie abaviazkova i zrabicie spravazdaču staršyni ŭrada», — zapatrabavaŭ Pucin. Pa słovach Tokarava, mižviedamasnaja hrupa, stvoranaja pa daručeńni premjer-ministra Dźmitryja Miadźviedzieva, prapanuje dapoŭnić narmatyŭnuju bazu, rehłamienty mierami, jakija dadatkova ŭzmocniać mahčymaść kantrolu za pryjomam nafty ŭ sistemu mahistralnych naftapravodaŭ.
