Mižnarodnyja reziervovyja aktyvy Biełarusi na 1 maja skłali 7 568,4 młn. dalaraŭ ZŠA (u ekvivalencie), paviedamlaje pres-słužba Nacbanka.
Za krasavik 2019 hoda zołatavalutnyja reziervy vyraśli na 322,7 młn. dołaraŭ ZŠA (na 4,5 pracenta) paśla rostu ŭ sakaviku 2019 hoda na 150,5 młn. dołaraŭ ZŠA (na 2,1 pracenta).
U krasaviku 2019 hoda ŭradam i Nacbankam vykanana źniešnich i ŭnutranych abaviazacielstvaŭ u zamiežnaj valucie na sumu kala 220 młn. dalaraŭ ZŠA.
Pavieličeńniu ŭzroŭniu zołatavalutnych reziervaŭ u krasaviku spryjali kupla zamiežnaj valuty Nacyjanalnym bankam na tarhach AAT «Biełaruskaja valutna-fondavaja birža», pastupleńnie zamiežnaj valuty ŭ biudžet, u tym liku ad źbirańnia ekspartnych pošlin na naftu i naftapradukty, pastupleńnie srodkaŭ ad prodažu Ministerstvam finansaŭ i Nacyjanalnym bankam ablihacyj, naminiravanych u zamiežnaj valucie.
Zhodna z Asnoŭnymi napramkami hrašova-kredytnaj palityki na 2019 hod, abjom mižnarodnych reziervovych aktyvaŭ na 1 studzienia 2020 hoda pavinien skłaści nie mienš za 7,1 młrd. dołaraŭ ZŠA.
