U Hrodnie sproba 10-hadovaj dziaŭčynki źniać videa z akna šmatpaviarchovika vyklikała piarepałach, paviedamlaje BIEŁTA sa spasyłkaj na Kastryčnicki RAUS Hrodna.
Ranicaj 3 maja ŭ dziažurnuju słužbu RAUS ad dyśpietčara chutkaj dapamohi pastupiła paviedamleńnie, što z akna treciaha paviercha pa vulicy Klanovaj vypała dzicia. Na miesca nieadkładna vybyli supracoŭniki milicyi, adnak infarmacyja nie paćvierdziłasia.
«Ranicaj 10-hadovaja dziaŭčynka źbirałasia ŭ škołu. Jaje mama była na pracy. Zirnuŭšy u akno, dziaŭčynka ŭbačyła, što na placoŭcy la škoły idzie kancert. Jana vyrašyła źniać jaho na videa i dasłać mamie», — raspaviali ŭ milicyi.
Dziaŭčynka zabrałasia na padakońnik, vysunuła ruku ŭ akno i stała zdymać. Ale videa całkam nie adpraviłasia. Žančyna ŭbačyła tolki ruku dački za aknom.
Telefon školnicy byŭ niedastupny. Maci zachvalavałasia i patelefanavała babuli školnicy, taja nabrała 103. Nieŭzabavie vyśvietliłasia, što ź dziaŭčynkaj usio ŭ paradku.