Pa danych spadarožnikavych zdymkaŭ, atrymanych i praanalizavanych amierykanskim analityčnym centram, poŭnym chodam idzie budaŭnictva pieršaha poŭnapamiernaha avijanosca ŭ Kitai, piša Reuters.
Zdymki pakazvajuć značnuju aktyŭnaść na praciahu apošnich šaści miesiacaŭ na vialikaj vierfi kala Šanchaja.
Kitaj aficyjna nie paćvierdziŭ, što buduje treci avijanosiec, niahledziačy na niadaŭnija namioki ŭ dziaržaŭnych ŚMI, a terminy i maštaby jaho prahramy avijanoscaŭ zastajucca dziaržaŭnaj tajamnicaj.
Jak azijackija, tak i zachodnija vajskoŭcy, a taksama analityki pa rehijanalnaj biaśpiecy šukajuć infarmacyju pra avijanosiec. Jak čakajecca, jon stanie pieršaj bujnoj sučasnaj płatformaj Kitaja, zdolnaj vieści poŭny śpiektr apieracyj udarnych hrup.
