Uładzimir Šymaŭ syšoŭ z pasady rektara Biełaruskaha dziaržaŭnaha ekanamičnaha ŭniviersiteta. Jon zajmaŭ hetuju pasadu z 2002 hoda.
Uładzimir Šymaŭ.
Šymaŭ naradziŭsia ŭ 1948 hodzie ŭ Zaparožskaj vobłaści Ukrainy, vučyŭsia ŭ škole ŭ Horłaŭcy pad Danieckam i ŭ Maskoŭskim dziaržaŭnym univiersitecie.
U 27 hadoŭ trapiŭ u Biełaruś, atrymaŭšy nakiravańnie na pracu ŭ miascovy Dziaržpłan.
U 1996—2002 byŭ ministram ekanomiki Biełarusi.
Adzin syn eks-rektara — Usievaład — vykładaje palitałohiju ŭ BDU. Jon aktyŭny aŭtar «zapadnaruskich», praimpierskich i čarnasocienskich sajtaŭ. Druhi ž — Jarasłaŭ — pracuje na rasiejskaj słužbie amierykanskaha radyjo «Svaboda».
Novym rektaram BDEU pryznačany kolišni pieršy prarektar Viačasłaŭ Šucilin. Aproč taho, pryznačany rektar Biełaruskaj dziaržaŭnaj sielhasakademii. Im staŭ Vital Vielikanaŭ.
