Prakuratura Vilejskaha rajona pieradała ŭ sud spravu suprać 26-hadovaj žycharki Vilejki, jakaja padmanvała ludziej u internecie.
Ad vosieni 2018 hoda da sioletniaha studzienia žančyna stvarała ŭ sacsietcy «Adnakłaśniki» staronki nibyta internet-kram. Pakupnikam jana prapanoŭvała adzieńnie pa koštach, u razy nižejšych, čym u inšych kramach.
— Naturalnaje norkavaje futra kaštavała ŭ internet-kramie vilajčanki 320 rubloŭ, — kaža namieśnik prakurora vilejskaha rajona Andrej Žukoŭski.
Hramadzianie z usioj Biełarusi źviartalisia da fihurantki, kab nabyć dobraje tannaje adzieńnie.
Taja zapeŭnivała, što krama pracuje vyklučna pa pieradapłacie. Kali ž ludzi pieraličvali hrošy, žančyna abo nie dasyłała ničoha, abo dasyłała toje, što nie adpaviadaje zamovie.
Naprykład,zamiest novych botaŭ — tyja, što ŭžo byli ŭ vykarystańni.
Praz peŭny čas paciarpiełyja pačali źviartacca ŭ milicyju. Siarod ich — žychary Minskaj, Mahiloŭskaj, Hrodzienskaj abłaściej, Hrodna.
Vyjavili 11 vypadkaŭ machlarstva.
Pa słovach Andreja Žukoŭskaha, fihurantku nieadnarazova karali za padobnyja złačynstvy. U 2017 hodzie jana zapłaciła za heta štraf.