Infarmacyja pra toje, što ŭ Słonimie ŭ 11-j miechanizavanaj bryhadzie paviesiŭsia vajskoviec-kantraktnik, źjaviłasia ŭ Telegram-kanale NEXTA. Tam paviedamlałasia, što mužčyna byŭ adkamandziravany na parad u Minsk. Jaho adpuścili na vychodnyja dadomu. U Ministerstvie abarony vypadak paćviardžajuć, ale kažuć, što pryčyny suicydu nie źviazanyja z prachodžańniem vajskovaj słužby. Usio adbyłosia 1 červienia.
— Vajennym viedamstvam sumiesna z kampietentnymi orhanami ŭžo vyvučany abstaviny suicydu vajskoŭca, jaki prachodziŭ słužbu pa kantrakcie ŭ adnoj z častak słonimskaha harnizona. Pryčyny ŭčynku, ździejśnienaha ŭ pazasłužbovy čas, absalutna nie źviazanyja z prachodžańniem słužby i abumoŭleny asabistymi abstavinami, — raspavioŭ pres-sakratar Minabarony Uładzimir Makaraŭ.
Vajennasłužačy charaktaryzavaŭsia stanoŭča i sumlenna vykonvaŭ słužbovyja abaviazki.
U śniežni 2013 hoda ŭ 11-j asobnaj miechanizavanaj bryhadzie ŭ Słonimie było znojdziena cieła 20-hadovaha vajskoŭca. Zychodziačy z apytańnia kamandavańnia i tavaryšaŭ pa słužbie, a taksama pierapiski z mabilnaha telefona, Śledčy kamitet vyznačyŭ asnoŭnuju viersiju — samahubstva pa asabistych matyvach.
A ŭ vieraśni 2018 hadoŭ ŭ kapciorcy vajskovaj častki znajšli cieła radavoha 20-hadovaha Alaksandra Arłova. Sałdat paviesiŭsia. Jon słužyŭ u vajskovaj čaści № 33933 u Słonimie. Słužyć jamu zastavałasia dzieviać miesiacaŭ. Alaksandr žyŭ u vioscy Krasnaje Karelickaha rajona. Ministerstva abarony paviedamiła, što pryčynaj suicydu stali asabistyja abstaviny, nie źviazanyja z vajennaj słužbaj. Adnak prakuratura viarnuła ŭ SK dla novaj pravierki materyjały pra śmierć sałdata terminovaj słužby, paviedamlaje Tut.by.
Jašče adzin suicyd u Pahraničnych vojskach: ciapier u Połackim atradzie
