Supracoŭniki Pieršamajskaha RUUS Minska zatrymali žychara stalicy, jaki niezakonna zavałodaŭ 11-ju kvaterami ahulnym koštam bolš za 2,42 miljona biełaruskich rubloŭ, paviedamlaje milicyja.

40-hadovy indyvidualny pradprymalnik, dyrektar budaŭničaj firmy, z dapamohaj ryełtara znajšoŭ kampaniju ŭ Pieršamajskim rajonie Minska, jakaja zajmałasia budaŭnictvam žyłych damoŭ. Mužčyna ŭvajšoŭ u davier da kiraŭnika firmy i pierakanaŭ unieści źmieny ŭ dahavor kupli-prodažu, što davała pradprymalniku prava ŭłasnaści na žyłpłošču pry niapoŭnym raźliku za jaje.

Takim čynam mužčyna zaklučyŭ 11 dahavoraŭ. Pieradapłatu ŭ pamiery 10% ad poŭnaha koštu kožnaj kvatery ŭ termin jon nie ŭnios.

Kab zarabić na pieršy ŭniosak, machlar zaklučyŭ 4 damovy pra budučuju kuplu jaho kvatery. Hałoŭnaja ŭmova — stoadsotkavaja pieradapłata. Pakupnikoŭ doŭha šukać nie pryjšłosia: mužčyna prapanoŭvaŭ žyllo za pałovu cany.

Za hetyja hrošy złamyśnik pahasiŭ doŭh zabudoŭščyku. Jak tolki jon unios 10% koštu žylla, usie kvadraty pierajšli ŭ jaho ŭłasnaść. Za karotki čas jon pradaŭ astatnija 7 kvater i taksama za mienšy košt.

Kampanija-zabudoŭščyk za 11 kvater atrymała tolki pieršy ŭniosak — pa 10%. A novyja ŭłaśniki byli ŭpeŭnienyja, što daŭhoŭ niama, i taksama nie ŭnosili płatu.

Клас
Панылы сорам
Ха-ха
Ого
Сумна
Абуральна