Śpiakota moža niehatyŭna adbivacca na samaadčuvańni kiroŭcaŭ. Tamu supracoŭniki adździeła DAI Maskoŭskaha RUUS pačali z ranicy 10 červienia razdavać aŭtamabilistam butylavanuju vadu, paviedamlajuć «Minsk-Naviny».
Akcyja budzie praciahvacca i ŭ inšyja dni, adznačyli ŭ DAI.
— U haračaje nadvorje my rekamiendujem kiroŭcam adpraŭlacca ŭ darohu tolki na technična spraŭnych transpartnych srodkach, - adznačyła staršy inśpiektar pa ahitacyi i prapahandzie adździeła DAI Maskoŭskaha RUUS Luboŭ Trapaška. — Z saboj pažadana brać pitnuju vadu, asabliva mieteazaležnym i tym, u kaho majucca sardečna-sasudzistyja zachvorvańni.
Kali ŭ darozie stała drenna, treba spynicca, vyjści z mašyny i schavacca ŭ cieni. Hłytok chałodnaj vady prykmietna palepšyć samaadčuvańnie.