Pra heta ŭ prahramie «Kontury» zajaviŭ ministr achovy zdaroŭja Uładzimir Karanik, paviedamlaje BIEŁTA.
Na jaho dumku, pavyšeńnia ŭzroŭniu zachvarorvańniaŭ na adzior u Hrodzienskaj vobłaści nie varta bajacca. «Ni pra jakuju epidemiju ni ŭ Hrodzienskaj vobłaści, ni ŭ cełym pa respublicy havorka nie idzie. Usie 33 paćvierdžanyja ŭ Hrodzienskim rehijonie vypadki nielha nazvać epidemijaj. Usie pacyjenty ŭžo vypisany z balničnych ustanoŭ, jany pieranieśli zachvorvańnie ŭ lohkaj ci siaredniaj stupieni. Ciažkich formaŭ nie było, uskładnieńniaŭ nie było», — raspavioŭ kiraŭnik viedamstva.
Ministr achovy zdaroŭja paraiŭ nie raspaŭsiudžvać paničnyja čutki, a bolš infarmavać nasielnictva, što ŭsie vypadki adru zavoznyja. «Kali vy chočacie być zastrachavany — praviercie svoj imunałahičny status. Kali sapraŭdy viedajecie, što nie pryščaplalisia - pryščapiciesia», - dadaŭ jon.
