Miemaryjalny znak rasijskamu caru Piatru I płanavali adkryć 26 červienia, u hadavinu vyzvaleńnia Horackaha rajonu ad nacystaŭ, ale abłvykankam vyrašyŭ, što parušanyja pracedury ŭzhadnieńnia, paviedamlaje Radyjo Svaboda.
Pra namier ušanavać Piatra I stała viadoma z prahramy ŭračystaściaŭ, jakuju apublikavała miascovaja rajonnaja hazeta «Horacki vieśnik». Paśla publikacyjaŭ u niezaležnych ŚMI prahramu padkarektavali. Ź jaje źnikła adkryćcio pamiatnaha znaku rasijskamu caru.
U Horackim rajvykankamie admaŭlajucca havaryć pra situacyju z pamiatnym znakam. Va ŭpraŭleńni kultury Mahiloŭskaha abłvykankama zajavili, što «znak ustanaŭlivać nia buduć». Kiraŭnik upraŭleńnia Aleh Stelmašonak zajaviŭ Svabodzie, što rajvykankam «nie padavaŭ zajaŭki ŭ adpaviednaści z zakonam» na ŭstanoŭku znaku.
Na pastamient niepadalok ad rajvykankama (jon užo hatovy) u Horkach płanavali pastavić mulaž harmaty ChVIII stahodździa i šyldu. Takim čynam chacieli adznačyć znachodžańnie Piatra I u Horkach padčas Paŭnočnaj vajny ŭ 1708 hodzie.
