U pačatku Vialikaj Ajčynnaj vajny ŭ asnoŭnym hinuli niechryščonyja sałdaty Čyrvonaj armii za toje, što byli biazbožnikami.
Pra heta skazaŭ mitrapalit RPC Biełharadski i Staraaskolski Iaan na viečary pamiaci hadaviny pačatku Vialikaj Ajčynnaj vajny. Videa jaho vystupu apublikavana ŭ Telegram-kanale «Biełharad № 1», dzie zajavu mitrapalita nazvali «nieadnaznačnaj».
«Jość vielmi pakazalny dla ŭsich nas urok. U pieršyja miesiacy vajny bolš za 60% Čyrvonaj armii, h.zn. maładych bajcoŭ, jakija byli narodžanyja ŭžo ŭ biazbožny čas, bolšaść ź ich nie byli achryščanymi <…> jany byli zabityja», — skazaŭ śviatar.
Pavodle jaho słoŭ, heta była «niesuvymiernaja achviara, jakaja była pryniesiena za biazbožnaść». «I vajnu vyjhrali chryščonyja ludzi, tyja, chto byli paklikanyja, kab duchoŭna pieramahčy», — dadaŭ uładyka.