Asoby va ŭzroście da 26 hadoŭ nie buduć płacić padachodny padatak, — vynikaje z dekłaracyj ŭrada i Ministerstva finansaŭ Polščy. Adpaviedny prajekt pryniaŭ ich Saŭmin, piša Radyjo Polšča.
Namieśnik ministra finansaŭ Polščy Piotr Novak zajaviŭ, što maładyja ludzi adčujuć dziejańnie hetaj padatkovaj lhoty.
«Heta davoli značnaja palohka, bo, kali paličyć, kolki hrošaj štohod budzie zastavacca ŭ vašych kašalkach, to de-fakta možna skazać, što, jak minimum, tak zvany trynaccaty zarobak. Kali niechta zarablaje minimalnuju zarpłatu, h.zn. 2250 złotych (530 jeŭra) biez uliku padatkaŭ, to za hod jon zmoža zekanomić bolš za 1600 złotych (kala 375 jeŭra) Heta, praktyčna, trynaccaty zarobak», — skazaŭ vice-ministr.
Palityk dadaŭ, što jašče bolš ŭdasca zekanomić tym, chto zarablajuć bolš: «Kali my havorym ab siaredniaj zarabotnaj płacie, jakaja składaje 4765 złotych (1 120 jeŭra), to za hod u kašalku zastaniecca kala 4600 złotych (1 080 jeŭra). Možna skazać, što heta bolš za 13-ju zarpłatu. Z hetaha punktu hledžańnia, heta vielmi revalucyjnaje źmianieńnie ŭ našaj krainie».
