Fota Darji Burakinaj
Siońnia deputaty adrazu ŭ dvuch čytańniach pryniali Zakon «Ab amnistyi». Jaje płanujuć pravieści da 75-hodździa vyzvaleńnia Biełarusi. Dakumient u parłamiencie pradstaŭlaŭ novy ministr unutranych spraŭ Juryj Karajeŭ, piša Tut.by
Asnoŭnaje novaŭviadzieńnie amnistyi-2019 u tym, što ŭsim niepaŭnaletnim skarociać termin pakarańnia na dva hady albo vyzvalać ad kryminalnaj adkaznaści. Taksama raniej asobam, asudžanym za karupcyjnyja złačynstvy, źmianšali pa amnistyi pakarańnie na hod — a hetym razam jany naohuł nie traplajuć pad amnistyju.
Na amnistyju ŭ hetym hodzie mohuć raźličvać tyja, chto całkam pahasiŭ škodu i dobra charaktaryzavaŭsia padčas adbyćcia pakarańnia. Jana budzie dziejničać na praciahu 9 miesiacaŭ, raniej pracedura doŭžyłasia 6 miesiacaŭ.
Amnistyja ŭ hetym hodzie budzie tyčycca i asudžanych pa «narkatyčnym artykule».
Ad pakarańnia častkova, terminam na adzin hod, buduć vyzvalenyja asudžanyja da abmiežavańnia ci pazbaŭleńnia voli. Naprykład, pad hety artykuł zakonaprajekta traplajuć tyja, kamu vyniesienyja prysudy pa č.1, 2, 3 art. 328 KK (Niezakonny abarot narkatyčnych srodkaŭ). Niepaŭnaletnim termin adbyćcia pakarańnia pa art. 328 KK taksama skarociać na dva hady.
Niekalki katehoryj hramadzian całkam vyzvalać ad kryminalnaj adkaznaści.
Taksama mohuć vyzvalić ad adbyćcia pakarańnia tych, chto adbyŭ nie mienš za adnu tracinu pryznačanaha termina pa artykułach «Kradziež» (č. 3 i č. 4 art. 205), «Machlarstva» (č. 3 i č. 4 art. 209) - za vyklučeńniem asob, jakija ŭčynili złačynstva ŭ składzie arhanizavanaj hrupy, «Prysvajeńnie albo rastrata» (č. 3 i č. 4 art. 211), «Kradziež šlacham vykarystańnia kampjutarnaj techniki» (č. 3 art. 212), «Niezakonnaja pradprymalnickaja dziejnaść» (č. 3 art. 233), «iłžepradprymalnictva» (č. 2 art. 234).
Amnistyja nie zakranie asudžanych za zabojstva (č. 2 art. 139), zhvałtavańnie (č. 2, 3 art. 166), pałavyja znosiny z asobaj, jakaja nie dasiahnuła šasnaccacihadovaha ŭzrostu (č. 2 art. 168), pjanyja DTZ z zahinułymi i paciarpiełymi (č. 4,5 art. 317), paŭtornaja na praciahu hoda «pjanka» za rulom (art. 317-1), zdrada dziaržavie, špijanaž, paklop u dačynieńni da prezidenta (art. 356-362, 367) atrymańnie biazvypłatnaj zamiežnaj dapamohi ŭ parušeńnie zakanadaŭstva (art. 369-2), parušeńnie paradku arhanizacyi abo praviadzieńnia masavych mierapryjemstvaŭ (art. 369-3), złoŭžyvańnie ŭładaj abo słužbovymi poŭnym paŭnamoctvami (art. 421-422, č. 2 i č. 3 art. 424), biaździejnaść słužbovaj asoby (č. 2 i č. 3 art. 425), pieravyšeńnie ŭłady abo słužbovych paŭnamoctvaŭ (č. 2 i č. 3 art. 426) i inš.
Jak raspavioŭ ministr unutranych spraŭ Juryj Karajeŭ, pa amnistyi na volu z papraŭčych ustanoŭ zakrytaha typu vyjduć 6 tysiač čałaviek, 685 — z ustanovaŭ adkrytaha typu.
