Uviečary 28 červienia adbyŭsia pažar ŭ histaryčnaj častcy Bresta. Zaharelisia damy na vulicy Savieckaj, la skryžavańnia z vulicaj Dziaržynskaha.
Na miesca pryjechała niekalki pažarnych raźlikaŭ. Pakul tušyli adzin dom z boku vulicy Dziaržynskaha, ahoń pierakinuŭsia na susiednija i padyšoŭ uščylnuju da piešachodnaj zony na vuł. Savieckaj.
Fota: Arciom Rakicki, kp.by
Pažar tušyli bolš za hadzinu. Infarmacyi ab paciarpiełych nie pastupała. Na miescy dziažuryli mašyny chutkaj dapamohi i słužby hazu.
Adrazu niekalki vydańniaŭ paviedamili pra mahčymaść padpału, piša miascovy sajt prosvit.org. Aŭtary miarkujuć, što takim čynam zabudoŭščykam udajecca abychodzić abmiežavańnie pa zachavańni architekturnaj histaryčnaj spadčyny.
Damy ŭ jakich uspychnuŭ ahoń daŭno adsielenyja, znachodziacca ŭ «avaryjnym stanie». Tamu mahli stać prytułkam dla biazdomnych. Pytańnie, čamu jany praciahły čas stajali pustymi, čamu nie viałasia ich rekanstrukcyja.
Fota: Arciom Rakicki, kp.by
Ratavalniki adznačajuć, što tušeńnie ŭskładniaŭ mocny viecier, jon ža staŭ adnoj z asnoŭnych pryčyn pažaru. Paryvy vietru 28 červienia miescami dasiahali 6,3 mietraŭ za siekundu.
Fota: vk.com/onlinebrest
