Google abviaściła pra novuju funkcyju ŭ svaim kartahrafičnym servisie, jakaja dazvalaje prahnazavać stupień zahružanaści transpartnaha srodku. Heta moža być aŭtobus, ciahnik abo mietro, piša The Verge.
Google vydaje hetuju infarmacyju, hruntujučysia na minułych pajezdkach. Na praciahu niekalkich miesiacaŭ pošukavy hihant prasiŭ karystalnikaŭ Google Maps dać dadatkovuju infarmacyju ab uzroŭni zahružanaści ich maršrutaŭ.
Kožny raz paśla zaviaršeńnia pajezdki im prapanoŭvałasia vybrać z čatyroch varyjantaŭ: šmat svabodnych miescaŭ, mała svabodnych miescaŭ, tolki stajačyja miescy i stajačaja ŭ bolš ciesnaj prastory.
Ciapier u kampanii dastatkova danych, kab pačać prapanoŭvać prahnazavańnie zahružanaści transpartnych srodkaŭ dla karystalnikaŭ, jakija płanujuć svaje štodzionnyja maršruty. Novaja funkcyja ŭžo pracuje ŭ prahramie ŭ 200 haradach pa ŭsim śviecie.
Akramia taho, u Google Maps taksama źjavilisia zatrymki ruchu aŭtobusaŭ u režymie realnaha času ŭ miescach, dzie pasažyry nie majuć mahčymaści atrymać hetuju infarmacyju niepasredna ad miascovych transpartnych kampanij.
