Pavodle krynic Forbes i RBK, mienavita prablemy z adnoj z akumulatarnych batarej, jakija zabiaśpiečvali siłkavańnie hłybakavodnaha aparata, i stali pryčynaj avaryi, u vyniku jakoj zahinuli 14 rasijskich marakoŭ.
Pryčynaj avaryi na sakretnym hłybakavodnym aparacie Minabarony Rasii ŭ Barancavym mory, u vyniku jakoj zahinuli 14 čałaviek, stali prablemy z adnoj z akumulatarnych batarej, jakija zabiaśpiečvali jaho elektrasiłkavańnie, paviedamlajuć RBK i Forbes.
Pavodle surazmoŭcy ŭ sudnabudaŭničaj pramysłovaści, nadzvyčajnaje zdareńnie mahło adbycca ŭ toj momant, kali aparat padnimaŭsia z hłybini ŭžo niepasredna da svajho nośbita. Krynica ŭ Minabarony Rasii dadała, što va ŭmovach adkrytaha hareńnia i pierabojaŭ z elektrasiłkavańniem ekipaž aparata zdoleŭ zabiaśpiečyć padjom i nie dapuściŭ paškodžańnia ŭstalavanaj na im atamnaj ustanoŭki, što ŭ vyniku dazvoliła paźbiehnuć bolš surjoznych nastupstvaŭ.
