U RNPC «Maci i dzicia» 5 lipienia žančyny, jakija naradzili dziaciej u Dzień Niezaležnaści, prymali vinšavańni ad kiraŭnika Administracyi prezidenta Natalli Kačanavaj, ministra achovy zdaroŭja Uładzimira Karanika i staršyni «Biełaj Ruś» Hienadzia Davydźki, paviedamlajuć Minsk-naviny.
Mam 17, u adnoj ź ich dvajniaty.
- U vas dvajniaty? Chłopčyki? Prychodźcie pa dziaŭčynku! - ciešacca i adnačasova žartujuć hości.
Ščaślivaja mama paabiacała, što vierniecca ŭ hetuju radzilniu jašče i pa dačku.
— Tolki nie pieradumajcie! U mianie dvoje dziaciej — chłopčyk i dziaŭčynka, i, jak baćka, mahu skazać, što syn — heta dobra, a dačka — vydatna, — zaŭvažyŭ ministr achovy zdaroŭja U. Karanik.
— A ŭ vas chto naradziŭsia? — pacikaviłasia ŭ inšaj mamy N. Kačanava.
— Syn.
— Nazvali jaho ŭžo? — praciahnuła Natalla Ivanaŭna.
— Tak, Mirasłaŭ.
— Zdorava! Maju ŭnučku taksama Mirasłavaj zavuć! — zaŭśmichałasia Kačanava.