Sud Zavodskaha rajona 11 lipienia vynies pryhavor 18-hadovamu studentu Akademii avijacyi, hramadzianinu Azierbajdžana Rustamu Rahimavu. Maładoha čałavieka pryznali vinavatym u naŭmysnym zabojstvie chłopca ź Minska, ź jakim jon kanfliktavaŭ z-za adnoj dziaŭčyny, piša Tut.by
Rustama Rahimava pryznali vinavatym u naŭmysnym zabojstvie i prysudzili da 11 hadoŭ uzmocnienaha režymu. Takoje rašeńnie siońnia ahučyŭ sudździa Aleh Kalada.
Taksama abvinavačany abaviazany vypłacić kampiensacyi maralnaj škody: pa 70 tysiač — baćkam zahinułaha, pa 50 tysiač — jahonamu bratu i babuli.
Raniej prakuror Maryna Łapaŭchava prasiła prysudzić studenta da 11 hadoŭ pazbaŭleńnia voli. U sprečkach dziaržabvinavaŭca padkreśliła, što nie ŭbačyła ŭ abvinavačanaha «ni cieniu raskajańnia».
Siamja zahinułaha zajaviła hramadzianskija pazovy da abvinavačanaha ab kampiensacyi maralnaj škody: kala 100 tysiač rubloŭ kožnamu z baćkoŭ i babuli.
«Budzieš hnić u turmie, had», — kinuli na raźvitańnie svajaki zabitaha asudžanamu.