U Minsku pryjdziecca nienadoŭha zakryć niekalki dziejučych stancyj mietro ŭ toj čas, kali buduć budavać prymykańnie druhoj i treciaj linij. Infarmacyju Tut.by paćvierdzili ŭ niekalkich transpartnych arhanizacyjach.
Zdymak vykarystany ŭ jakaści ilustracyi. Fota: Jaŭhien Jarčak, Tut.by.
Infarmacyja pra mahčymaje zakryćcio častki druhoj linii z-za budaŭnictva treciaj źjaviłasia na forumie esmasoft.com. Amatary transpartu abmiarkoŭvajuć, što stancyi ad «Frunzienskaj» da «Kamiennaj horki» pryjdziecca zakryć na čas, kali buduć budavać strełku dla ciahnikoŭ treciaj linii. Nahadajem, mienavita sa stancyi «Frunzienskaja» možna budzie pierachodzić na stancyju «Jubilejnaja płošča» treciaj linii.
U DU «Staličny transpart i suviaź» raspaviali, što momant zakryćcia stancyj na niekatory čas sapraŭdy abmiarkoŭvaŭsia z Dyrekcyjaj pa budaŭnictvie Minskaha mietrapalitena:
— My paraili vybrać daty, kali budzie jak maha bolš vychodnych dzion — naprykład, u listapadzie. Ale rašeńnia pakul što niama.
Tut.by nakiravaŭ aficyjny zapyt u Dyrekcyju pa budaŭnictvie Minskaha mietrapalitena i atrymaŭ adkaz.
«Data i termin zakryćcia ruchu elektraciahnikoŭ ciapier nie vyznačany, bo prajektnaja dakumientacyja znachodzicca na ŭzhadnieńni», — adznačaje Dyrekcyja pa budaŭnictvie Minskaha mietrapalitena.
Kali dakumienty buduć uzhodnieny, raspracujuć detalovy hrafik vykanańnia budaŭniča-mantažnych rabot, padrychtujuć rašeńnie Minharvykankama na zakryćcio ŭčastka druhoj linii. Pra heta abiacajuć prainfarmavać ŭ srodkach masavaj infarmacyi.
Kali ruch ad «Frunzienskaj» da «Kamiennaj horki» na niejki čas zakryjuć, to kampiensavać padziemny maršrut pryjdziecca naziemnymi vidami transpartu.
