Dahavor kupli-prodažu skasavali, tamu što novy ŭładalnik nie vykanaŭ hałoŭnaj umovy: viadzieńnie pradprymalnickaj dziejnaści z załučeńniem hetaj majomaści nie paźniej za try hady z momantu pieradačy.
Baranavickaja mižrajonnaja prakuratura. Fota: Intex-press.
Budynak siaredniaj škoły ŭ vioscy Savičy pryvatnaje pradpryjemstva kupiła ŭ 2015 hodzie. Za try hady vykarystoŭvałasia tolki prylehłaja da škoły terytoryja, i to nie pa pryznačeńni. U vyniku hetaha budynak častkova razburyŭsia, terytoryja stała zakinutaj. Akramia hetaha, luby moh zajści na niebiaśpiečny abjekt.
Prakuratura ŭ intaresach adździeła adukacyi rajvykankama źviarnułasia ŭ ekanamičny sud Bresckaj vobłaści z pazovam ab skasavańni dahavora kupli-prodažu nieruchomaj majomaści i spahnańni z pradpryjemstva štrafnych sankcyj u pamiery bolš za 840 tysiač rubloŭ.
Škołu viarnuli adździełu adukacyi. Baranavickaja mižrajonnaja prakuratura praciahnie pravierku taho, jak miascovyja ŭłady kantralujuć vykanańnie ŭmoŭ haspadarčych dahavoraŭ.
