Na sajcie GoFundMe praciahvajecca zbor srodkaŭ na dapamohu siamji biełaruskaj režysiorki Niki Nikanavaj, jakaja zahinuła 25 lipienia na Alascy.
Nahadajem, 24-hadovaja Nikanava — žonka aktyvista Piatra Markiełava. Jany ŭziali šlub 1 lipienia, a zatym adpravilisia ŭ zapłanavanaje padarožža pa Amierycy. Na Alascy jany vyrašyli pabyvać kala zakinutaha aŭtobusa, jaki staŭ viadomy dziakujučy knizie, a paśla i filmu «U dzikich umovach». Kali padarožniki sprabavali pierajści raku Tekłanika, dziaŭčynu zmyła płyńniu. Piatro zdoleŭ vyciahnuć jaje z vady, ale Nika była ŭžo miortvaja.
Čytajcie taksama: Na Alascy trahična zahinuła žonka aktyvista Piatra Markiełava — u miescy śmierci kultavaha amierykanskaha badziahi
Na płatformie GoFundMe mienš čym za sutki z 20 tysiač dalaraŭ, zajaŭlenych u jakaści mety, było sabrana bolš za $15 tysiač. Adzin z karystalnikaŭ servisu zrabiŭ pieravod na 10 tysiač dalaraŭ, a inšyja abmiežavalisia mienšymi sumami.
U pieršuju čarhu zborščyki hrošaj chočuć dapamahčy sabrać jak maha chutčej srodki na pieralot dla maci zahinułaj dziaŭčyny, Volhi Nikanavaj.
