Fota: «Priamij»
Kiraŭnik ukrainskaj praprezidenckaj partyi «Słuha naroda» Dźmitryj Razumkoŭ zajaviŭ, što partyja budzie prapanoŭvać jaho ŭ jakaści kandydata na pasadu śpikiera Viarchoŭnaj rady, paviedamlajuć infarmahienctvy.
Taksama jon dadaŭ, što na pasadu pieršaha vice-śpikiera Rady partyja budzie prapanoŭvać pradstaŭnika prezidenta ŭ parłamiencie Rusłana Stefančuka.
Pazačarhovyja parłamienckija vybary prajšli va Ukrainie 21 lipienia. Paśla apracoŭki 100% pratakołaŭ partyja prezidenta Uładzimira Zialenskaha «Słuha naroda» nabrała 43,16%, na druhim miescy «Apazicyjnaja płatforma - za žyćcio» Juryja Bojki z 13,05%. Treciaje miesca zaniała partyja eks-premjera Julii Cimašenki «Baćkaŭščyna» z 8,18%, dalej idzie partyja byłoha prezidenta Piatra Parašenki «Jeŭrapiejskaja salidarnaść», u jaje 8,10%. Zamykaje piaciorku partyja muzyki Śviatasłava Vakarčuka «Hołas» z 5,82%.
Aficyjnyja vyniki vybaraŭ pavinny być apublikavanyja CVK da 5 žniŭnia.