Tysiačy ludziej nie zmahli dabracca da pracy, admienienyja bolš za 200 avijarejsaŭ, piša radyjo «Svaboda».
Kery Łam, kiraŭnica administracyi horadu, jakaja karystajecca padtrymkaj Pekinu, u hutarcy z žurnalistami zajaviła, što pratestoŭcy šturchajuć horad na miažu «nadzvyčaj niebiaśpiečnaj sytuacyi».
Łam znoŭ adchiliła nieadnarazovyja zakliki demanstrantaŭ da jaje adstaŭki i zajaviła, što ŭrad ćviorda maje namier padtrymlivać pravaparadak.
Jana taksama paviedamiła, što ŭrad nia vykanaje inšaha klučavoha patrabavańnia pratestoŭcaŭ — vyzvalić aryštavanych padčas pratestaŭ apošnich tydniaŭ.
Łam zajaviła, što pratesty vyvodziać Hankonh na šlach, ź jakoha niemahčyma źviarnuć, i nanosiać škodu haradzkoj ekanomicy.
Palicyjanty iznoŭ užyli ślezaciečny haz dla razhonu pratestaŭ u Hankonhu
Uviečary ŭ niadzielu hankonskija demanstranty ŭ niekalkich miescach arhanizavali akcyi pratestu, jakija časam nabyvali hvałtoŭny charaktar. Na dziaviatym tydni pratestaŭ suprać sprečnaha zakonaprajektu ab ekstradycyi jany vykarystoŭvali novuju taktyku, kab paźbiehnuć sutyčak sa specnazam i ŭžyvańnia suprać ich ślezaciečnaha hazu.
Dziejničajučy pavodle ŭžo znajomaj formuły, dziasiatki demanstrantaŭ źbiralisia ŭ adnym miescy, budavali barykady i zastavalisia da prybyćcia specnazu. Mienšaść zastavałasia i sutykałasia z vykarystańniem ślezaciečnaha hazu, ale inšyja ŭciakali i na hramadzkim transparcie dabiralisia da novaha miesca.
Dla Hankonhu, finansavaha centru, jaki zastajecca pad kantrolem Pekinu, heta samy surjozny palityčny kryzis z momantu jaho pieradačy Kitaju ŭ 1997 hodzie. Kryzis pačaŭsia z vystupaŭ suprać zakonaprajektu (praca nad im užo prypynienaja), jaki dapuskaŭ ekstradycyju padazravanych na macierykovy Kitaj dla sudu, ale paśla hetaha pieraros u zakliki da pašyreńnia demakratyi.
