Staŭka refinansavańnia ad 14 žniŭnia źnižajecca z 10 da 9,5% hadavych, staŭka pa kredycie oviernajt - z 11,5 da 10,75% hadavych, staŭka pa depazicie oviernajt - z 8,5 da 8,25% hadavych. Adpaviednyja rašeńni pryniatyja praŭleńniem Nacbanka 7 žniŭnia, paviedamiła BiełTA.
«U II kvartale intensiŭnaść inflacyjnych pracesaŭ zapavoliłasia. Acenka pryrostu spažyvieckich cenaŭ z vyklučeńniem siezonnaści za II kvartał pakazvaje jaho źnižeńnie nižej za metavy ŭzrovień 5% (na praciahu papiarednich troch kvartałaŭ pryrost znachodziŭsia vyšej)», - prakamientavali ŭ Nacbanku.
Źnižeńnie stavak budzie spryjać pavyšeńniu efiektyŭnaści tranśmisijnaha miechanizmu hrašova-kredytnaj palityki.
Staŭka refinansavańnia - heta staŭka Nacyjanalnaha banka Biełarusi, jakaja źjaŭlajecca bazavym instrumientam rehulavańnia ŭzroŭniu pracentnych stavak na hrašovym rynku i słužyć asnovaj dla vyznačeńnia pracentnych stavak pa apieracyjach pradastaŭleńnia likvidnaści bankam.