Alaksandr Łukašenka padpisaŭ ukaz «Ab ustanaŭleńni biaźvizavaha paradku ŭjezdu i vyjezdu zamiežnych hramadzian», piša BiełTA.
Raniej isnujučyja raździelna dźvie biaźvizavyja zony terytoryj Bresta i Hrodna abjadnoŭvajucca ŭ adnu biaźvizavuju terytoryju «Brest — Hrodna». U jaje ŭklučajucca jašče piać rajonaŭ Hrodzienskaj vobłaści: Bierastavicki, Vaŭkavyski, Voranaŭski, Lidski i Ščučynski.
U hetym rehijonie termin biaźvizavaha znachodžańnia ŭ turystyčnych metach pavialičvajecca da 15 sutak dla hramadzian 73 dziaržaŭ. Akramia taho, budzie zabiaśpiečana mahčymaść ujezdu jašče praz dva dadatkovyja punkty propusku na dziaržaŭnaj hranicy («Bieniakoni» i «Bierastavica»). Inšaziemcy zmohuć pieramiaščacca bieź viz pa ŭsioj terytoryi zachodnich abłaściej pry ŭmovie pieramiaščeńnia ŭ składzie arhanizavanych turystyčnych hrup pa maršrutach, što praduhledžvajuć naviedvańnie biaźvizavaj terytoryi «Brest — Hrodna».
Ukaz ustupaje ŭ siłu praz try miesiacy paśla aficyjnaha apublikavańnia.
Pry hetym zachoŭvajecca biaźvizavy paradak ujezdu ŭ Biełaruś dla hramadzian šeraha dziaržaŭ na termin da 30 sutak praz punkt propusku ŭ Nacyjanalnym aeraporcie Minsk.
