Vybuch i pažar, jakija adbylisia na vajennym palihonie ŭ Archanhielskaj vobłaści ŭ chodzie testaŭ vadkasnaha reaktyŭnaha ruchavika, mohuć być źviazanyja z vyprabavańniami mabilnaj puskavoj ustanoŭki dla hipierhukavaj rakiety «Cyrkon». Pra heta «Lentie.Ru» raspaviali dźvie krynicy.
Pa ich słovach, vyprabavańni rakietnaha ŭzbrajeńnia, jak miarkujecca, hetaj ŭstanoŭki, pravodzilisia ŭ lipieni biahučaha hoda niedaloka ad vioski Nienoksa, dzie raźmieščany 45-y dziaržaŭny centralny marski vyprabavalny palihon VMF Rasii.
Aktyvizacyju rabot pa «Cyrkonu» paćviardžajuć adkrytyja krynicy, pavodle jakich u kancy 2018 hoda na palihonie čyrvonaarmiejskaha navukova-daśledčaha instytuta «Hieadezija» pravodzilisia vyprabavańni vyrabaŭ 3Ł2211 i 3Ł2212 (chutčej za ŭsio — ruchalnyja ŭstanoŭki pieršaj i druhoj rakietnych stupieniej), vyrablenych, imavierna, piermskim NVA «Iskra».
Minabarony Rasii nie raskryvała detalej zdareńnia, uklučajučy dakładnaje miesca zdareńnia i madel ruchavika, ale i nie vystupała z abviaržeńniem publikacyj u ŚMI.
U vyniku zdareńnia, jak zajaŭlali ŭ vajennym viedamstvie, zahinuli dva śpiecyjalisty Minabarony, jašče šeść supracoŭnikaŭ ministerstva i nienazvanaha pradpryjemstva-raspracoŭščyka paciarpieli.
Realny maštab zdareńnia moža być bolšy, čym aficyjna paviedamlajecca. U 185-tysiačnym Sievieramorsku, jaki znachodzicca za 30 km ad palihona, na karotki čas u 20 razoŭ padskočyŭ uzrovień radyjacyi. Pra heta paviedamili cyvilnyja ŭłady horada.
Radyjacyjny fon u Biełarusi 8 žniŭnia nie mianiaŭsia.
