Piać supracoŭnikaŭ «Rasatama» zahinuli pry vybuchu na vajennym palihonie ŭ Archanhielskaj vobłaści ŭ Rasii 8 žniŭnia, jašče troje atrymali traŭmy i apioki roznaj stupieni ciažkaści, paviedamlajuć rasijskija ŚMI.
Pavodle infarmacyi krynic «Lenty.ru», zdareńnie moža być źviazana z vyprabavańniami mabilnaj puskavoj ustanoŭki dla hipierhukavaj rakiety «Cyrkon». «Kommiersant'», spasyłajučysia na adnaho z vajskovych marakoŭ, pisaŭ, što vybuch moh adbycca ŭ vyniku razbureńnia rakiety i złučeńnia paliva z akiślalnikam.
Raniej minabarony Rasii paviedamlała, što pry vybuchu na palihonie pad Sievieradźvinskam, dzie vypraboŭvali vadkasny reaktyŭny ruchavik, zahinuli dva čałavieki. Pryvodzilisia taksama danyja ab šaści paciarpiełych.
U minabarony Rasii raniej paviedamlali, što radyjacyjny fon paśla vybuchu byŭ u normie, škodnych vykidaŭ u atmaśfieru nie zafiksavana.
Tady ž pres-słužba administracyi Sievieradźvinska paviedamiła, što było zafiksavana karotkačasovaje pavyšeńnie radyjacyjnaha fonu.
Paśla hetaha fon źnižaŭsia, i na 14:00 pakazańni datčykaŭ nie pieravyšali 0,11 mikrazivierta ŭ hadzinu pry maksimalna dapuščalnych 0,6 mikrazivierta ŭ hadzinu, śćviardžali ŭ pres-słužbie.
