Padčas naviedvańnia Iŭjeŭskaha rajona Alaksandr Łukašenka zajšoŭ u rajonny centr kultury, paviedamlaje BiełTA.
Kiraŭnik dziaržavy aznajomiŭsia z arhanizacyjaj raboty i strukturaj ustanovy, a zatym jamu pakazali frahmient dziciačaha śpiektakla «Nichto nie pavieryć» pa matyvach kazki Jana Ekcholma. Śpiektakl byŭ pastaŭleny ŭzornym teatralnym kalektyvam Iŭjeŭskaj dziciačaj škoły mastactvaŭ. Łukašenka taksama pahladzieŭ vystup narodnaha ansambla muzyki «Čabarok». Kalektyŭ, jaki składajecca z 11 čałaviek, byŭ stvorany ŭ 1988 hodzie.
«Małajcy! Śpiavajecie nie prosta dobra, a vielmi!» — padzialiŭsia ŭražańniami Łukašenka. Maładym teatrałam kiraŭnik krainy paraiŭ pastupać u Akademiju mastactvaŭ. Usim artystam ad imia kiraŭnika dziaržavy byŭ padaravany šakaład «Prezident».
Zatym Alaksandr Łukašenka naviedaŭ Centr ramiostvaŭ i vystavu majstroŭ narodnaj tvorčaści, dzie jamu padaryli sałamiany kapialuš, zrobleny narodnym majstram z ahraharadka Leluki Vieraj Čurejna. «Padyšoŭ!» - acaniŭ padarunak kiraŭnik krainy i ŭ svaju čarhu ŭručyŭ majstram svoj lubimy šakaład.
