Kanstrukcyja pad nazvaj «Adna chvala» źjaŭlajecca častkaj jubilejnaj prahramy, pryśviečanaj 30-hodździu «Bałtyjskaha šlachu» — mirnaj akcyi ŭ prybałtyjskich respublikach SSSR. U toj dzień 1989 hoda, dva miljony čałaviek ź Litvy, Łatvii i Estonii (heta značyć prykładna 25% nasielnictva troch prybałtyjskich respublik u toj čas) sfarmavali 650-kiłamietrovy žyvy łancuh ad Vilni da Talina.
Ideja radyjoinstalacyi raspracavana sumiesna LRT i dvuma maładymi mastakami. Spačatku ŭstanoŭka pavinna była składacca z 650 starych radyjostancyj. Mastaki źviartalisia da ludziej pa radyjo i telebačańni z prośbaj achviaravać staryja radyjopryjomniki i dastavić ich u miascovyja paštovyja adździaleńni abo ŭ štab-kvateru LRT.
Paśla ludzi pryvieźli amal u čatyry razy bolš radyjopryjomnikaŭ, čym čakałasia, i ŭstanoŭka dasiahnuła pamieru z 5-paviarchovy dom.
Usie radyjostancyi, padklučanyja i nastrojenyja na adnu i tuju ž častatu, prajhravali trochmoŭnuju pieśniu «The Baltics is Waking Up», jakaja stała himnam Bałtyjskaha šlachu i adnoj z samych papularnych piesień «Śpieŭnaj revalucyi» (1987-1991) u Prybałtycy.
Paśla prezientacyi na Sabornaj płoščy ŭ Vilni instalacyju pieraniasuć u muziej Parku Jeŭropy pad adkrytym niebam niepadalok ad Vilni.
