«Biełaja Ruś» na čale z Hienadziem Davydźkam chacieła zasnavać svajo telebačańnie. Pra heta paviedamiŭ telehram-kanał «Paparatar».
«Hienadź Davydźka sprabavaŭ stvaryć «Biełaja Ruś TB», płatformaj dla jaho mieŭsia stać rasijski «5 kanał», — śćviardžaje kanał. Ale, maŭlaŭ, ničoha nie atrymałasia.
Ci sapraŭdy Davydźka mieŭ takuju ideju i čym jana skončyłasia?
«My chacieli b mieć kanał, ale Ministerstva infarmacyi nie zarehistravała — uzvažvali, vyrašali, byli pretenzii. A potym my ŭžo sami admovilisia. Adnosna «Piataha kanała»… Byli roznyja varyjanty. My šukali płatformu, ale chacieli ŭsio ž samastojny kanał zrabić — na heta patrebny hrošy. Słovam, my padumali i vyrašyli zasiarodzicca na internet-mahčymaściach. Budziem raźvivać svoj sajt», — skazaŭ «Našaj Nivie» Davydźka.
Jon spadziajecca, što sajt «Biełaj Rusi» ŭdasca manietyzavać, kali zrabić ź jaho «płatformu dla dyskusij i abmierkavańnia prablemnych kropak hramadstva».
Jak viadoma «Našaj Nivie», farmalnaj pryčynaj nierehistracyi kanała «Biełaj Rusi» stała «pamyłka ŭ dakumientach».
