U Minsku zatrymali mužčynu, jaki pradstaŭlaŭsia pryvatnym detektyvam i braŭ hrošy ŭ davierlivych hramadzian, paviedamlaje MUS.
Biespracoŭny žychar adnoj ź viosak Minskaha rajona raniej pryciahvaŭsia da kryminalnaj adkaznaści. Padmanam i złoŭžyvajučy davieram pad markaj zboru kampramatu i sačeńnia, jon atrymlivaŭ ad ludziej hrošy.
U žniŭni 2015 hoda jon stvaryŭ sajt, dzie rekłamavalisia pasłuhi pryvatnaha vyšuku. Pajšli zakazy na kamiercyjnych partnioraŭ, kankurentaŭ, niaviernych mužaŭ i žonak. Mužčyna braŭ z hramadzian pieradapłatu za davańnie infarmacyi z aŭtamatyzavanych baz danych MUS, akazańnie pasłuh sačeńnia, prasłuchoŭvańnia pamiaškańniaŭ, pieradaču detalizacyi telefonnych złučeńniaŭ, ale vykonvać uziatyja na siabie abiacańni nie źbiraŭsia.
«Detektyva» apieratyŭniki zatrymali na miescy złačynstva — pry atrymańni hrošaj. Zaviali kryminalnuju spravu pa č.3 art.209 KK (machlarstva ŭ bujnym pamiery).
Ustanoŭlena bolš za 10 faktaŭ machlarstva. Paciarpiełych moža być bolš. Pravaachoŭniki praciahvajuć pracu.
