Alaksandr Łukašenka ŭ pieršy dzień navučalnaha hoda pryjechaŭ u škołu-novabudoŭlu — minskuju SŠ №93, piša BiełTA.
Adkryvajučy novuju navučalnuju ŭstanovu, kiraŭnik dziaržavy padkreśliŭ: «Siońnia asablivy i chvalujučy dla ŭsich nas, asabliva dla baćkoŭ i vučniaŭ, dzień. Pačynajecca novy navučalny hod — heta hod pieršy ŭ historyi škoły, jakuju my ŭračysta adkryvajem. Tut usio adbudziecca ŭ pieršy raz — pieršy zvanok, pieršyja ŭroki, pieršaje znajomstva vučniaŭ i piedahohaŭ. Tut pačniecca letapis školnych budniaŭ na mnohija dziesiacihodździ napierad, ale ŭsie vy nazaŭždy zastanieciesia ŭ hetaj historyi pieršymi».
Alaksandr Łukašenka adznačyŭ, što novaja škoła — padarunak mikrarajonu Vialiki Les, nazvanamu ŭ honar hierojaŭ, jakija adstajali svaju ziamlu ŭ hady Vialikaj Ajčynnaj vajny.
