Biuro Bezpieczeństwa Narodowego
Stanisłaŭ Zaś raspavioŭ, pra što išła razmova ŭ čas sustrečy sakrataroŭ radaŭ biaśpieki Polščy, Ukrainy i Biełarusi z daradcam prezidenta ZŠA pa nacyjanalnaj biaśpiecy Džonam Bołtanam. Pra heta jon raspavioŭ žurnalistam pierad pačatkam kanfierencyi pa baraćbie z teraryzmam, piša Tut.by
Pavodle jaho słoŭ, heta sustreča prajšła ŭ apošnich datach žniŭnia «ź inicyjatyvy našych zamiežnych kalehaŭ».
«Nie treba vykarystoŭvać schavanych sensaŭ i vybudoŭvać kanśpirałahičnyja teoryi pra intryhi, zmovy — heta poŭnaja łuchta», — skazaŭ Zaś.
Pavodle jaho słoŭ, paradak dnia hetaj sustrečy ŭpisvajecca ŭ minskija inicyjatyvy pa zachavańni miru i biaśpieki.
Što tyčycca samoj sustrečy, to Stanisłaŭ Zaś adznačyŭ, što heta była dobraja mahčymaść pasłuchać adzin adnaho i vykazacca, navat z ulikam taho, što nie ŭsie acenki i mierkavańni supali.
Nahadajem, 31 žniŭnia stała viadoma, što daradca prezidenta ZŠA Donalda Trampa Džon Bołtan pravioŭ u Varšavie pieramovy z sakratarom Rady biaśpieki Biełarusi Stanisłavam Zasiem. U sustrečy tam brali ŭdzieł pradstaŭniki Ukrainy i Polščy.