UK Parliament
Deputataŭ-kansiervataraŭ, jakija prahałasavali za źmianieńnie paradku dnia brytanskaha parłamienta nasupierak zakliku brytanskaha premjera Borysa Džonsana, vyklučyli z parłamienckaj frakcyi tory, i jany nie zmohuć pradstaŭlać partyju na nastupnych vybarach, paviedamlaje Bi-bi-si.
U aŭtorak viečaram Pałata hramad bolšaściu hałasoŭ prahałasavała za źmianieńnie paradku dnia pracy parłamienta ŭ sieradu i nadzialiła Pałatu hramad pravam razhledzieć zakonaprajekt ab pieranosie terminu vychadu Brytanii ź ES na bolš poźni.
Džonsan zaklikaŭ parłamientaryjaŭ hałasavać suprać. Kansiervatyŭnaja partyja papiaredžvała svaich členaŭ, što ŭ tym vypadku, kali jany nie pasłuchajucca partyjnych arhanizataraŭ i prahałasujuć za źmianieńnie paradku dnia, jany pazbaviacca prava pradstaŭlać partyju.
Siarod vyhnanych deputataŭ — unuk byłoha premjer-ministra Brytanii Uinstana Čerčyla Nikałas Soms, vieteran brytanskaha parłamienta Kien Kłark, a taksama Filip Chemand, jaki byŭ ministram zamiežnych spraŭ, abarony i transpartu, a ŭ kabiniecie Terezy Mej zajmaŭ pasadu ministra finansaŭ.
«Ja budu hałasavać suprać urada ź vielmi ciažkim sercam», — skazaŭ Soms pierad hałasavańniem.