U rejtynhu FIFA Estonija zajmaje 100-je miesca, Biełaruś — 84-ja, fota ERR Sport
Siońnia zbornaja Biełarusi pa futbole zhulaje matč adboračnaha turniru da Jeŭra-2020. U Talinie jana sustreniecca sa zbornaj Estonii (19.00, «Biełaruś-5»).
Adboračny turnir dźvie krainy pačali žachliva, jany nie majuć nivodnaha bała.
Paŭnočnaja Irłandyja — 12, Niamieččyna — 9, Niderłandy — 3, Estonija, Biełaruś — 0.
Biełarusy prajhrali čatyry matčy (dvojčy Paŭnočnaj Irłandyi, pa adnym Niamieččynie i Niderłandam). Estoncy prajhrali trojčy (dva razy paŭnočnym irłandcam), pryčym niemcam razhromna 0:8.
Siońniašniaja hulnia za čaćviertaje miesca ŭ hrupie.
U nastupnym miesiacy biełarusy zhulajuć z estoncami doma (10 kastryčnika), a 13-ha prymuć na «Dynama» Niderłandy. Skončać turnir vyjaznoj hulnioj suprać Niamieččyny ŭ listapadzie.
Kab trapić na Jeŭra-2020 praz hety adbor, treba zaniać druhoje miesca ŭ hrupie. Šancaŭ na heta niama.
Praŭda, u biełarusaŭ jość zapasny varyjant trapić na Jeŭra-2020 praź Lihu nacyj.
Jany pieramahli ŭ svajoj hrupie ŭ Lizie D, i zaraz u sakaviku 2020 hoda pazmahajucca za prava prabicca na čempijanat Jeŭropy praź mini-turnir Lihi nacyj. Dziela hetaha spačatku treba vyjhrać u haściach u Hruzii, a zatym pieramahčy pieramožcu pary Paŭnočnaja Makiedonija — Kosava.