Staličnaja milicyja zatrymała 57-hadovuju žančynu, jakaja skrała ŭ novaha znajomaha kaštoŭnaści i čajny sierviz, paviedamlaje Źviazda
50-hadovy mužčyna, skarystaŭšysia adsutnaściu žonki, vyrašyŭ zaprasić u hości novuju znajomuju. Paśla zastolla haspadar zasnuŭ, pakinuŭšy ŭ adzinocie 57-hadovuju hościu, čym žančyna i skarystałasia. Sychodzić z pustymi rukami jana nie zachacieła, tamu, ahledzieŭšy kvateru, znajšła kaštoŭnaści i čajny sierviz haspadyni, z čym i pakinuła pamiaškańnie.
Nieŭzabavie dadomu viarnułasia žonka mužčyny. Nie znajšoŭšy ŭpryhožvańniaŭ i sierviz, žančyna zapatrabavała ad muža tłumačeńniaŭ, ale, nie damohšysia vyraznaha adkazu, źviarnułasia pa dapamohu ŭ milicyju. Mužčyna raspavioŭ pravaachoŭnikam ab hości, adnak dadzienych jaje nazvać nie zmoh, bo byŭ znajomy ź joj tolki adzin viečar.
Padčas apieratyŭna-vyšukovych mierapryjemstvaŭ žančyna była znojdziena i zatrymana. Jak akazałasia, vykradzienuju majomaść taja schavała ŭ kustach kala vadaschovišča Drazdy. U dalejšym jana płanavała pradać upryhažeńni, a atrymanyja hrošy vydatkavać na ŭłasnyja patreby. Pryčynienaja škoda skłała kala 400 rubloŭ. Viadoma, što raniej žančyna da kryminalnaj adkaznaści nie pryciahvałasia.
