Niderłandy pierakvalifikavali Uładzimira Cemacha, jaki raniej ličyŭsia klučavym śviedkam pa spravie ab źniščeńni małajzijskaha samalota MH17 nad Danbasam, u padazravanyja. Pra heta ŭ intervju DW u sieradu, 11 vieraśnia, paviedamiła deputat Jeŭraparłamienta ad Niderłandaŭ Kaci Piry.
Pavodle jaje słoŭ, mižnarodnaja śledčaja hrupa (JIT) i niderłandski prakuror raspaŭsiudzili list, u jakim havaryłasia ab tym, što ŭ adpaviednaści ź niadaŭniaj infarmacyjaj, jakaja źjaviłasia hetym letam, ciapier Cemacha razhladajuć u jakaści adnaho z padazravanych.
Nastojlivaje patrabavańnie Rasii addać joj Cemacha ŭ abmien na ŭkrainskich viaźniaŭ śviedčyć pra toje, što Maskva pryznaje svaju vinu za katastrofu «Boinha» rejsa MH17, miarkuje Kaci Piry. Zaraz niama praktyčna nijakich šancaŭ na toje, što mižnarodnaj śledčaj hrupie JIT udasca dapytać Ciemach, upeŭnienaja jana.
