12 vieraśnia adbyŭsia lasny pažar na terytoryi Paleskaha radyjacyjna-ekałahičnaha zapaviednika ŭ Chojnickim rajonie Homielskaj vobłaści.
Fota — MNS
«Udzień 12 vieraśnia ŭ 13:34 ŭ słužbu vyratavańnia pastupiła paviedamleńnie ab vyjaŭleńni lasnoha pažaru kala vioski Łomyš Chojnickaha rajona, — paviedamili ŭ MNS. —
Dla likvidacyi pažaru zadziejničany 53 adzinki techniki i 283 čałavieki. Viertaloty praviali 10 skidvańniaŭ vady».
Pa stanie na 6 hadzin ranicy 13 vieraśnia pažar byŭ łakalizavany. Płošča, projdzienaja frontam pažaru, składaje 50 hiektaraŭ.
Ale ž u siecivie adrazu padniałasia panika: maŭlaŭ, harać radyjeaktyŭnyja lasy, heta ž niebiaśpiečna!
Biełhidramiet supakojvaje, bajacca niama čaho:
«Radyjacyjnaje stanovišča na terytoryi Homielskaj vobłaści, jak i ŭ cełym pa krainie, zastajecca stabilnym, pieravyšeńniaŭ nad šmathadovymi značeńniami nie zafiksavana».
Radyjacyjny manitorynh na terytoryjach, prylehłych da ačahu ŭzharańnia, pravodzicca va ŭzmocnienym režymie», — paviedamili ŭ Biełhidramietcentry.