Zdareńnie adbyłosia viečaram 10 vieraśnia kala kramy na vulicy Minskaj, paviedamlaje Kamiercyjny kurjer.
Da školnikaŭ padyšoŭ pjany mužčyna i paprasiŭ nieprykmietna vynieści što-niebudź z kramy, a zatym pieradać jamu. Zamiest hetaha chłopčyki padyšli da kasira i raskazali joj pra niezvyčajnuju prośbu nieznajomca.
Ubačyŭšy, jak dzieci razmaŭlajuć z kasiram, mužčyna padyšoŭ da ich, udaryŭ adnaho z chłopčykaŭ — 12-hadovaha školnika — kułakom u hrudzi, a zatym schapiŭ za šyju.
Kasir paśpieła nacisnuć tryvožnuju knopku. Narad Departamienta achovy zatrymaŭ mužčynu i dastaviŭ u adździaleńnie milicyi.
U dačynieńni da mužčyny raspačata kryminalnaja sprava pa č.1 artykuła 339 KK. Jon raniej byŭ nie sudzimy, pracuje rabočym na adnym z pradpryjemstvaŭ.
0
0
0
0
0
0
