19-hadovy kiroŭca jechaŭ za rulom, tamu što byŭ samy ćviarozy ŭ kampanii. Maładyja ludzi patłumačyli supracoŭnikam DAI, što jechali «da dzievak», piša «Infa-Kurjer».
U paniadziełak, 16 vieraśnia, kala 20-aj hadziny pry padjeździe da vioski Proščycy ekipaž DAI spyniŭ «Aŭdzi». Za rulom z prykmietami ałkaholnaha apjanieńnia byŭ 19-hadovy žychar adnoj sa słuckich viosak.
Chłopiec byŭ znajomy inśpiektaram, tak jak užo pryciahvaŭsia za kiravańnie aŭtamabilem u niećviarozym stanie. Akramia jaho, u mašynie byli jašče čatyry pasažyry — taksama z prykmietami ałkaholnaha apjanieńnia.
Na pytańnie supracoŭnikaŭ DAI, navošta kiroŭca sieŭ pjany za rul, jon adkazaŭ, što z usioj kampanii byŭ samy ćviarozy i što jechali «da dzievak» ź Viasiei ŭ Proščycy.
U Słuckaj balnicy miedyki praviali ahlad kiroŭcy i paćvierdzili, što jon byŭ pjany.
Uładalnikam mašyny akazaŭsia adzin z pasažyraŭ. Heta značyć jon davieryŭ kiravańnie svaim aŭtamabilem čałavieku ŭ stanie ałkaholnaha apjanieńnia. Aŭtamabil mohuć kanfiskavać.
