«Mis Biełaruś — 2018» Maryja Vasilevič bałatujecca ŭ deputaty Pałaty pradstaŭnikoŭ pa Kalvaryjskaj akruzie Minska. Jaje vyłučeńnie vyklikała niehatyŭnuju reakcyju karystalnikaŭ papularnych sajtach — 22-hadovuju Vasilevič publika ŭsprymaje pieradusim jak spadarožnicu Alaksandra Łukašenki na mierapryjemstvach.
«Cyrk» — samy załajkany kamientar da artykuła na «NN».
«Naša Niva» spytała ŭ Maryi Vasilevič, jak jana stavicca da krytyki ŭ internecie.
«Viadoma, ja čytała kamientaryi pra siabie roznaha charaktaru. U ludziej roznyja pazicyi — nu majuć prava! Spračacca z kožnym ja nie źbirajusia, ale kožnaje mierkavańnie pavažaju. Źviarnicie ŭvahu na paśladoŭnaść: u internecie pieravažna niehatyŭ, a kali ja razmaŭlaju ź ludźmi ŭžyvuju — na pikietach, ci prosta mianie na vulicy paznali i padyšli, — to tady ludzi mianie padtrymlivajuć. U vočy niehatyvu mnie nie skazaŭ jašče nichto!» — kaža Vasilevič.
Adkul ŭ dziaŭčyny takaja pasada na Biełteleradyjokampanii — «redaktar adździeła redaktaraŭ hałoŭnaj dyrekcyi padrychtoŭki teleprahram hienieralnaha pradziusarskaha centra»?
«Ja pracuju viadučaj, a voś aficyjna pasada nazyvajecca mienavita tak», — skazała Vasilevič i ŭdakładniła, što ludziej u jaje padparadkavańni niama.
